dił awêneye řêy xwa enwênê
From the Book:
Pendekanî Pîremêrd
By:
Piramerd (1867-1950)
1 minutes
906 views
dił awêneye řêy xwa enwênê
jeng bigrê celay ce la namênê
xoş řabwardin be diłî pake
ewî diłpake, bê bake, çake
hemû dewłetî dunyat deskewê
xoşî nabînî ke dił nesrewê
çend xoşe legeł çend biraderê
bê kîne û bê ẍem, pyaw beser berê
dewłet ke zor bû ser eşwênê
biłêy keyf ekem le lat namênê
min çendê hendê ałtûnim destikewt
be lêkdanewe xewm lê nekewt
bê xewîş řêgey îştyay bestim
ta şwênî kewtim derçû le destim
êsta ew be şwên minda egeřê
çunku qanî’im be wişk û teřê
emane watay gwê agirdanin
ademî le dûy mał sergerdanin
xohełkêşane û diłxoşî be zor
kem desełatî kirdimye ḧełałxor
êsta ke eyxom jemî «gurg»yiye
kê ełê pîşey řêy bizurgîye
bełam emende heye xwapêdaw
be şwên mała xoy naxate quřaw