mîwan řizqî xoy legeł xoy dênê
From the Book:
Pendekanî Pîremêrd
By:
Piramerd (1867-1950)
1 minutes
767 views
mîwan řizqî xoy legeł xoy dênê
kwê xanexwê bê le cêy destênê
xwa fermûyetî to her bibexşe
sed hêndey ewt bo dê melexşe
ew řizqey kewa xwa bot enêrê
le ecel zyatir, le dût egêřê
bełam řizqî xwa şertî baweře
bê baweř masîş nagrê û teře
be beş nařeza, le xoy bêzare
to daym le xot xwartir binwaře
hawinşînî çak xem eřewênê
bedxû pirşingit lê epirjênê
mebe be murẍî qurse hêlane
xot le dinyada ẍerîb bizane
ew dirawsêyey kewa bêweye
bizane çakey beserteweye
ke dirawsêket bê şêw hełîkird
ḧeq waye firyay kewî destubird
kebabî sexî deway derdane
paqlawey çirûk derd û sindane
çend xoşe legeł yek dû dostî çak
hełsî û danîşî be diłêkî pak
ewsaye biłêy beheştî dinya
be min dirawe be taqî tenya