gilêney çawit bike be wêne
From the Book:
Pendekanî Pîremêrd
By:
Piramerd (1867-1950)
1 minutes
875 views
gilêney çawit bike be wêne
’alem bibîne, hîç xot mebîne
ke be xudbînî xot le xot gořî
zû le xot egey şaystey gořî
be zerdexene ke kewtye řexne
bo dîwarî qedir ebê be řexne
taze pyakewtû ke qerizit batê
eydatewe řût le dway se’atê
bełam pyawî kon xizmetit bika
eyewê ne xot ne kes tê biga
le paşmiley xełk bew řenge bidû
şermezar nebî ke kewtîte řû
ke çake ekey meyłê lelay kes
bo zewqî xot bê û xwa bîzanê û bes
kesî hîwadar na’omêd meke
xêrit enûsê beqed řêy mekke
diłî hîwadar bişkê «qezaye»
nwêj «qezay» heye ew bê «qezaye»
hezar dostit bê hêşta her keme
tenha dujminê sermayey ẍeme
amojgarî bê kem mał sûk megre
pêẍember fermûy feqîrî fexre
giryan leserxo xem eřewênê
hendê pêkenîn dił têk hełdênê!
dewłemend û pîr ḧirsyan zyad ebê
ḧerîsîş dyare ke naşad ebê
«hîtler» naşade kewa ḧerîse
şeřegeřek ker beşî her lîse