le lay ewaney ke wîjdan bawe
From the Book:
Pendekanî Pîremêrd
By:
Piramerd (1867-1950)
1 minutes
900 views
le lay ewaney ke wîjdan bawe
le řabwardinda jin nîwey pyawe
ke řegî darit le jêrda piçřand
gełay řewneqî darit hełwerand
espêkî řesen herçend ke leře
gelê le kerî qełew çaktire
şerbet her çend xoy şîrîn denwênê
her aw tînwetî tewaw deşkênê
ew dewłemendey le xwêş nepirsê
ebê le ser û małî bitirsê!!
ew qelenderey wîjdan yaryetî
tełay destewşar xizmetkaryetî
agirî bedxułq, xełq şeyda eka
xwêndin biłêsey pê peyda eka
lem zemaneda ke kîzerîye
kiç ba ḧorîş bê derdîserîye
bûy be xezûrî pyawî şeřanî
ebê kiçeket lay xot bizanî
ya pyaw dekujê ya xo eykujin
ke wabê kiçî to nabê be jin
çît le diłaye zimanit wabê
hewłî ewet bê watet řewa bê
ewî řû girje xesaremende
ewey řû xoşe ew dewłemende
ke şeřanît dî pêy biłê begim
wirmizyarit dî to biłê lekim
pare witûye sext û sersextim
nemden be sexî ḧepsî bedbextim
sebrî ’aşiq û parey dest biław
qerar nagirin bîşyan xeyte daw