dinya gişt řojê bergê egořê
From the Book:
Pendekanî Pîremêrd
By:
Piramerd (1867-1950)
2 minutes
1131 views
dinya gişt řojê bergê egořê
ke şûy tazey kird kone etorê
mêrde tazekey seyrî kon eka
hîç peřway nîye maç û bon eka
nazanê ke bem sat û sewdaye
yekêkî tirî le kemîn daye
lem ał û goře û teşqełe û geře
herçî deybînî her nîwezeře
bem ḧałeyşewe hêşta boy şeydayn
bê sud û nabud sewdayî sewdayn
be dinya ełên: çend bêwefaye
herçî ke destî beytê dinyaye
ewî teşîman bo deřist dwênê
emřo napirsîn kewte kam şwênê
ewî le şwênî ew dê têdega
îtir bayexî çîman pê dega
ême be exlaq le pêşewe bîn
ke le naw xełka be ḧurmet bijîn
egîne ke hat mastaw bifroşîn
ke manga nema çîtir bidoşîn
eşê wek dirext be řeg û bin bîn
be quwet kwêrî çawî dujmin bîn
nek wek «kułejen» le hemû małê
derpêy abřûman le pê damałê
xo dîwexanî êstay em şare
ya ẍeybetî xełk yaxud qumare
eger neyewê saḧîb dîwexan
nayełê zemî xełk bête meydan
xo her ew satey ke ẍeybet kira
bo xawend ẍeybet be dyarî bira
eger em ḧałe îtir bes nebê
hîç kes be hîway dostî kes nebê