hêndê tebî’et ke hewayye
From the Book:
Pendekanî Pîremêrd
By:
Piramerd (1867-1950)
2 minutes
816 views
hêndê tebî’et ke hewayye
heta bê xêwî řûy le dwayye
eger to heway hewa neşkênî
ebê her satê řengê binwênî
ba wicud bergî řengawřeng cwane
yek řengî naşê bo em zemane
ełên siruştiman le çwar gewhere
dwanyan bawkimane, dwanyan madere
ba û agir berzin teb’yan biłinde
xak xoy xakîye û aw pak û mende
berzî û mil şikan, agir û sûtan
xak ferşî řêye û aw mayey jyan
kewate heway berzî menwêne
milî xot be pay xot meşkêne
bełam siruştê ke bay dirabê
be dest xoy nîye aramî nabê
be xwahîş nîye em çend û çûne
be lêxuřînî xuday bêçûne
egîne kesê kewa ’aqił bê
nabê le sizay bedî ẍafił bê
ew kesey diłî xełk eřencênê
be tołey dwayî xoy detirsênê
çunkî dezanê mutłeqa řojê
dil azar diraw her pêy deřêjê
ew tirse ebê be girêy diłî
’eyşî tał ebê be bê ḧasłî
nayşçîne mizgewt êsta wek caran
gerdin azadî bikeyn be cejnan
bewe legunahî yektir bibûrîn
naşkurî nebê le mizgewt dûrîn
ełên gunahit bibê piř jûrê
be dû řikat nwêj xwa lêt ebûrê
bełê ḧequłła xwa xoy eybexşê
bełam ḧequnnas mûy lê nalexşê
hemû be ziman peyřewî çakeyn
keçî be kirde pif le do nakeyn
xwa cehennemî boye danawe
zorman bixate naw ew haławe
dyare ke ezel hełîbjardîn
xwênî şeytanî be qîn bo nardîn
ke îradey xwa û firîbî şeytan
yek kewê, çarî çî ma bo însan