şî’rêkî seyrî kurdîm çaw pêkewt
From the Book:
Pendekanî Pîremêrd
By:
Piramerd (1867-1950)
2 minutes
1277 views
şî’rêkî seyrî kurdîm çaw pêkewt
le manakeya meraqem řêkewt
manay şî’rekem lê bû be meteł
nemzanî qazan buwe be menceł
«qazan qetar best qułingan hewayî
ḧeyfe qîblekem şew be tenhayî»
de fermû qaz û qułing û duřac
emanem bo bike be menceł û paç
qazan, qułingan polî bałdaran
pêkewe ejîn wek destey yaran
ye’nî ke ewan qetar ebestin
ḧeyfe to tenha be bê min nûstin
yaxud ke mencel le řîz be qetar
aw germ eken bo mirdûy nazdar
wa hat cem’î qaz ke bû be qazan
mencełî gewreyş pêy ełên qazan
înca qułingan qułingî bałdar
ekewne hewa eřon be qetar
paçîş qułinge cem’î qułingan
berz ebnewe wextî paç lêdan
ye’nî paç be dest qebrełkenewe
bo daweşandin berzyekenewe
beme mirdinman exenewe bîr
hay şî’rî mibhem, hay ’eqil û tedbîr
ême mirdinman nawe be lawe
taze ’umirman lenwê nûsrawe
tiryakman pêye le mar natirsîn
lebîr xistinewey mirdin weřesîn
dway mirdin pirsîn nîye metirse
çonit hate pêş lêde mepirse
ême ke ’umir be kem ejmêrîn
ḧeyf nîye ewîş be tirs řabwêrîn
dana le nadan badenoş tire
gom heta qûł bê meley xoştire
bîrî dwařojman bû be efsane
nan ew naneye emřo le xwane
qeydî qyamet mexerewe yad
bizen ber řendan herçî bada bad
dinyat bem řenge bo eçête ser
bo dîn û wîjdan xot mexe xeter
çunke em dwane êsta fîrarîn
kewtûne şaxan şwên nadyarîn