wa girdibunewe payze birakan
From the Book:
Pendekanî Pîremêrd
By:
Piramerd (1867-1950)
1 minutes
895 views
wa girdibunewe payze birakan
bełku yek kewn hîmmetî çakan
bełam wek ardî naw diřk waye
birayş legeł yek nayêne kaye
xowłatîman boç la ça nabê
gwêlkî xomałî boç be «ga» nabê
mełên şîlawig mayey penîre
fîtne hewênî no qazan şîre
medḧî řûbeřû pyaw eda be şû
zor dostî ser nan be dujmin derçû
xwa mûsa bo ser fîr’ewn enêrê
keçî carcar meř be gurg espêrê
pyaw bo borepyaw řoḧî xoy serf kird
keçî pêy degut be derdî xoy mird
ew kanyey awî lê dexoynewe
be nabekarî piřyekeynewe
syaset pîşey aẍay bê řîşe
boye gelê pyaw bê řîş û îşe
zor řîş û simêł taşraw wek ewan
xozge řîş ebû be modey jinan
oxey jinan bûn be gewrey geřek
ebê destey tir biçne ber xeřek
enca hendêkyan çonî deřêsin
legeł gwê çene berze biłêsin
be narnaroke ser deleqênin
dem bo parûy xełk dadeçeqênin
ax xwêndewarî firyaman kewe
bo ’alem řoje bo ême şewe!