wa gird bûnewe payze birakan
From the Book:
Pendekanî Pîremêrd
By:
Piramerd (1867-1950)
2 minutes
1155 views
wa gird bûnewe payze birakan
bełku yek kewn hîmmetî çakan
bełam wek ardî naw diřk waye
birayîş legeł nayêyne kaye
xowłatîman boç la ça nabê
gwêlkî xomałî boç be ga nabê
mełên: şîlawig mayey penîre
fîtne hewênî no qazan şîre
medḧî řûbeřû pyaw eda be şû
zor dostî ser nan be dujmin derçû
xwa musa bo ser fîr’ewn enêrê
keçî car car meř be gurg espêrê
pyaw bo bore pyaw řoḧî xoy serf kird
keçî pêy degut be derdî xoy mird
ew kanyey awî lê dexoynewe
be nabekarî piřî dekeynewe
ewey ke wefay bo dway xoy nebê
îtir to debê hîway çît pêy bê
syaset pîşey aẍay bê řîşe
boye gelê pyaw bê îş û řîşe
zor řîş û simêł taşraw wek ewan
xozge řîş ebû be modey jinan
oxey jinan bûn be gewrey geřek
ebê destey tir biçne ber xeřek
înca hêndêkyan çonî deřêsin
legeł gwêçne berze biłêsin
be nar naroke ser deleqênin
dem bo yaroy xełk dadeçeqênin
ax xwêndewarî firyaman kewe
bo ’alem řoje, bo ême şewe