ewladtan be naz perwerde meken
From the Book:
Pendekanî Pîremêrd
By:
Piramerd (1867-1950)
1 minutes
2051 views
ewladtan be naz perwerde meken
çak nabin xotan řenc birde meken
mîrat, mîqrobî şeřî ewlade
bê řenc destikewtû, edrê be bada
be mîratî ’îlim, kur ebê be pyaw
ewlad be řencî şanî dête naw
dewłemend herçend xełkî le dewre
bayexî nîye, sêberî hewre
hîç kes małî xoy be kes nedawe
keçî ameşoy dewłemend bawe
de’wayan hate ser helat bazî
qet dû kes nabin le qazî řazî
yaxwa derde ga, nekewête dê
paqle tewaw bû, wa bayncan dê
bê hemdem mawim, kiz û řenceřom
minîş xerîkim, bayncan bixom
eger xwa deka, tirê pêdega
bê qiřey gumirk, min serxoş eka
îtir kes řexne le min nagrê
ba be serxoşî nawim bibrê
bełam ke tirê minî serxoş kird
řesmî esênê qołçî dest û bird