kabrayekî kurd małî le bêstansur û małî...

kabrayekî kurd małî le «bêstansurLocation» û małî birayekîşî le «seydisadiqLocation» bu. mangî řemezan řojêk tûşî birakey ebê, lêy epirsê ełê: kake! êwe key řojûtan girtuwe? ełê: řojî cum’e. legeł ewe eman řojî şenbe beřojû bibûn. ew řoje ke 29y mangî xoyan ebê, ełê: be xwa sibeynê le małî kakem cejne, ba biçim lewê piław bixom û sibey şew bêmewe, dûsbey le małî xoyşiman cejne, dîsan piław exom. pêy lê eka û eřwa, legeł şebeqî beyan egate małî kakî, seyr eka hîç menceł û dûkeł dyar nîye, epirsê ełê: xo îmřo êwe cejnitane. bo çî hîçtan dyar nîye? kakey ełê: be xwa birakem ême dwênê cejniman kird! çar naçar kabra qawełtî be nan û do eka.

wextî ’esir ełê wa çake xom bigeynimewe lay xoman. dawênî lê be lada eka nîweşew egatewe mał. jinekey le xew xeber ekatewe ełê: «kiçê îmşew cejne hełse her le êstakewe piławeke lênê». jine ełê: mêrdeke her dwênê le dway to melayek hat fermûy îmřo cejne, îtir hemû awayî kirdyan be cejin û minîş piławim kird. bełam wamzanî «sindan» exom be bê to. kabra henaseyekî hełkêşa û bem core le herdû cejneke bû!