ewey emřo be namerdî desî ḧukmî le sermane
From the Book:
Dîwanî Şaho
By:
Shaho (1882-1971)
2 minutes
621 views
ewey emřo be namerdî desî ḧukmî le sermane
bizanin, xwênexorî xoman û bapîr û pudermane
be fîşał û diro û ḧîle firîbyan daynewe dîsan
netan zanîwe baweř bem bem girohane zerermane
le řojî şořşa derfet hebû, axir le destimanda
le dest danî helî wa manê’î fetiḧ û zefermane
wiłatî kurdewarî giştî mîratî gelî kurde
bełê mîratî «baw bapîrî» piř hêz û hunermane
zimanî ḧałî kurdistan, ewa hawar eka daym
ełê min małî kurdim, şax û bin berdî supermane
be xwênawî gelî kurd awdira deşt û der û dołî
gułałe sûrekanî berhemî xwênî cigermane
leser maf û ḧeqî xoman ewey suple û dirawsêye
hemîşe hêzî ceng û top û teyarey lesermane
ewey miset’imêrin çawyan le astiman kwêre nabînin
ke em mexloqe namerde çe cewrêkî lesermane
erê ey «komełî yek girtû» takey pirsyar naken
bizanin em duřundane çe mafêkyan lesermane??
be dem xo îddî’ayan waye piştîwanî mezłûmin
bełam derkewt ke her fîşałe çî ey ken zerermane
hemû ’alem xeberdarî wişey em komełen şahoPen name
qisey bê kirdewe û pûçyan leber meddî nezermane