kurdîne êwe xo musłimanin
sikałay derûn
From the Book:
Dîwanî Şaho
By:
Shaho (1882-1971)
3 minutes
767 views
kurdîne êwe, xo musłimanin
be xwa û pêẍemer xawen îmanin
tabê’ be ḧukmî cwanî qur’anin
saḧêb bezeyî û ’eqił û wîcdanin
çon řewatan dî be qisey dujmin
řołey kurd be kurd biden be kuştin
řołe řoy dayk û bawik kujrawan
qîjey bawke řo, nałey hetîwan
nehate gwêtan lenaw małanda
bezeyîtan bê be mindałanda
boç gelî kurditan xiste metirsî?
be watey naḧeq «bo pare û kursî»
lapeřey mêjûy xotan boç řeş kird?
le kurdayetî xotan bê beş kird?
wiłattan řeng kird be xwênî kurdan
leser řawêj û wişey namerdan
em kirdewaney lêtan ebînrên
diłî musłiman piř eken le xwên
kurdistan mułkî gelî kurdane
cêgay aramgay şêrî merdane
pasî pêwîste le dest dagîrker
be pêy fermûdey xwa û pêẍember
meger net bîstuwe, yaxo nazanî
«ḧib alutin min alayman»
ewaney egirin laynî dujmin
nêre mûkê kin, ne pyawin, ne jin
ewey xwênî kurd be kurd eřêjê
sizay kirdewey xoy her eçêjê
mêjûy kurdistan řûřeşî ekat
le netewey xoy bê beşî ekat
êstaş ta zuwe wergeřênewe
le kirdewey bed bigeřênewe
ba daykî weten lêtan bibûrê
azadtan bikat be hemû corê
dujmin bo êwe nabê be bira
bo řołey kurda «her kurde bira»
kurd wiłatî xoy nada be hîç kes
xoyşî qet naka be koyle bo kes
małî mîratî bawik û bapîrî
ebê beş bikirêt le cwan û pîrî
bełam kurd hemû be ḧukmî qur’an
biray diłsozin bo musłimanan
yarîy deryanin be tenganey sext
nek be nokerî bibin be jêr dest
dagîr keranîş ba çaw hełênin
çwar dewrî xoyan zor baş bibînin
ba seryan neden be şaxî kurda
nek milyan bişkê le şîw û herda
kurd nenûstun hestawin le xew
gişt xebat eken be řoj û be şew
çaw kirawen û hemû bêdarin
le ḧał û eḧwał gişt xeberdarin
ta wiłatî xo nesênnewe
le dagîr keran naḧesênewe
serok beřêz û diłsoze bo kurd
heł naxłetê be wişey namerd
xebatî kirduwe be mał û beden
bo řizgarî kurd le cewrî dujmin
bo serbexoyî kurd û kurdistan
qurbanî dawe be tûlî zeman
tefrey nexwarduwe be pare û be pûl
xxxMissing
nayłê xizney piř zêř û zîwî
bidrêt be dujmin bibêt be xêwî
mercî way kirduwe ya ebê bimrê
ya kurdistan yan le dest werbigrê
îtir bê sûde em fak û fîke
řojî serkewtin şahoPen name nezdîke