bîḧemdîlla ewa řoyî diła zistanî ẍemxiwarî
From the Book:
Dîwanî ’Asî
By:
Mulla Mustafa Asi (1885-1975)
1 minutes
674 views
bîḧemdîlla ewa řoyî diła zistanî ẍemxiwarî
gelî ’aşiq legeł bulbul deçin bo seyrî gułzarî
behare mewsîmî mestî le kwêy wesłî guł endam
nesîmî subiḧ deyhênê le gułşen bonî diłdarî
gułistanî hemû seḧra bîsatî ’îşqe her layê
seday nałînî ’aşiq dê le dewrî guł be huşyarî
temaşay baẍî diłber ken çilon ẍem lêwe sertaser
biłên ba bulbulî dił bê netirsê her gułe xarî
tuxwa diłber ewa hatim be umêd ẍunçeyî lêwit
le to sed řenc û mîḧnet bê le min qurban wefadarî
eger çî terkî koy tom kird be ten emma diro nakem
diłim perwaneye da’îm le dewrî şem’î řuxsarî
be pyałey çawî her mestim le xałî řûy eger dûrim
milim êsta ke her qede be dawî zułfî řeşmarî
ewa hatim cefa fermû be her new’ê emin řazîm
ke çunke nebuwe qet nabê wîsałî guł bebê xarî
le saḧey ’îşqî to goye serî ’asîPen name, were diłber
be goçanî esef lêyde eto lew emre muxtarî