dił le dûrît řûḧî şîrîn ẍerqî gêjî ḧesrete
From the Book:
Dîwanî ’Asî
By:
Mulla Mustafa Asi (1885-1975)
2 minutes
1086 views
dił le dûrît řûḧî şîrîn ẍerqî gêjî ḧesrete
çaw le řêgay çawenořî piř le tozî qeswete
key debînim ey xudaye min be çaw dû çawî ew
çawî baze piř le řaze cîlwegahî hîmmete
awî serçawey meḧebbet wa le diłma jyayewe
çûnî naw gułzarî wesłî muşkiłêkî zeḧmete
çawekem çawim becarê bûne çawey xwênî geş
çunke cergem warzîwe seyrî nakey let lete
xo be řesmî bendegîme namekem wa hate lat
cewherî îxlase me’nay gerçî xoy bêqîmete
bê’umêdim bo temaşay xetit û xałî řûmetî
pasewanî gułşenî řûy ’eskerî sê dewłete
zułfî řûse perçemîşî wek feřenge bo hucûm
tîpî egrîcey ke çîne seyrî çend bêmrwete
řû meke bazařî ’îşqî kelkî muflîs nagrê
çunke bêmaye lewêda mubtelay sed negbeye
’aşiqî řêbazî řaste bo wîsałî ḧeq yeqîn
jyan legeł ’îşqa ke neřwa bo musliman weḧşete
bêtebîbî wesłî diłber peşme luqmanî ḧekîm
zû ’îlacî derdî xot ke çarî dił her sefwete
zor gutin qur’an be kelke ’asîPen name besye bêş’ûr
řû le řêgay řast û ḧeq ke ta nemirdûy fursete