qeza û qeder heye eme şitêke řaste û...

qeza û qeder heye. eme şitêke řaste û bînrawe:

lew nizîkî xoşnawetîye pyawêk kuřêkî sê çwar sałanî xoy legeł ebê, eçête derewe bo ser řez û bax. egate ser řezeke, le paş hendêk kuřekey xewî lê ekewê, hełî’egrê le bin darêka day’enê, camedanekey xoy eda be serya û xoy eçêtewe be lay bêłkaryekey xoyewe. xerîkî bêłkarî ebê, kutupiř be dem bêłêkeyewe dûpşikêkî gewre der’epeřê û řû’ekate minałeke ke nustuwe.

kabra be bêłekeyewe heřa eka be şwênya herçende eka naygatê. kabra eyut ewa tekan edem le xom ke bîgemê ke çî wekû yekê le dwawe pêy girtibim her çendim ekird ne’eřoyştim. witî dûpişk le dest derçû û řast řûy kirde kuřeke û çuwe jêr camedaneke û paş tozêk hatewe derewe û milî řêy girt û be şwênekey xoya geřayewe. witî min le taw kuře agam le dûpişk biřa. çûme ser kuře û camedanekem lada, seyrim kird marêk qefî xwarduwe be dewrî kuřekeda û serî nizîkî bin milî kuřeke kirdotewe. lew kateda dûpşikeke geyştuwe, çuwe dawye be tepłî serî marekewe, mar her le cêy xoy řeq buwe û îtir řast geřawetewe.

witî ke ewem dî çawim be dûpşikekeş kewt le geřanewekeya, we minîş îtir gurc bûmewe, emtiwanî bîgemê, bełam ke ew karesatem dî, neçûm be şwênya wazim lê hêna ta çuwewe kunekey xoy.