mela tofîy ḧacî biraym nardî bo řişte witî...
From the Book:
Řiştey Mirwarî (Bergî 8)
By:
Alaaddin Sajadi (1907-1984)
2 minutes
704 views
mela tofîy ḧacî biraym nardî bo řişte, witî:
lew deştî bazyane le gundê kabrayekî sepan jinêkî cwan û ciḧêłî ebê legeł daykêkî pîra. em jine dostêkî ebê. be dostekey ełê şew ke hatî lew dîwî çeperekewe gwê hełxe, eger amojgarîm kirdî bew pêye biřo beřêwe, egîna bigeřêwe. şewêk wa řêkewt mêrdekey çû bo ser xerman, katê ke dostekey dê û dengî pêy dêt bem core amojgarî ekat, bêşkeke řa’ejenê û ełêt:
řołe lay laye, řołe lay laye
bawkit hestawe çote çyaye
pêxefî birduwe û bem şewe naye
ta beyan eřwa hîç dengî naye
ew segey małman nawî zengîne
xesûşim tozê gwêçkey senginîne
wa le lay çepim bo xoy xeftîne
bêşkey korpekeş lay ser keftîne
ke hatye jûrew kołekey małe
tozê lem latir tenûre û çałe
xot lade lêyan bêre lay řastim
dest bike milim hîç meke basim
řołe lay laye, řołe lay laye
derdit le gyanim boç xewt naye
bem core û leser em nîşanane kabray dostî eçête lay řastyewe ta beyanî bo xoyan pêkewe řa’ebwêrin.