her řefîq gêřayewe witî carêk mela ḧisênî...

her řefîq gêřayewe witî:

carêk mela ḧisênî deştêwî we’zî eda le suleymanî le mizgewtekey xoya. le we’zekeda witî ke le ḧedîsda heye ełê: «erz le ser piştî gaye, ga leser piştî masîye, kase le ser awe, aw le ser baye». kabrayekî «zerûn»y le kořî we’zekeda bû, her kirdî be kewşekanya û boy derçû. wityan bo kwê? witî wazim lê bênin ba serî xom derkem. zor lewe etirsim minałêkî lasar pixêk le gake bika, ka řaçenî erzeke jêrewjûr ebê. wityan minał çon egate lay gake? witî bira minałî suleymanî şeytan edoznewe, êsta ew gaye çon nadozêtewe, ke dozîyewe pêş hemû layek suleymanî eřûxê, newełła ba ta zuwe serî xom derkem.