mela tofîqî ’etar amojgarî kuřekey xoy...

mela tofîqî ’etar amojgarî kuřekey xoy ekird eyut: řołe xwardin meke beser xwardina, le řoyştina ke hîlak bûyt danîşe, be têrî meçore ḧemam, meçore lay pîrejin, leser têrî meçore lay jin. hîç nebê ḧefteyek carêk be řişanewe me’îdey xot pak bikerewe, mêwe ta negat meyxo, başûrme zor mexo. ke nîweřojet kird beserya bixewe. ke şêwit kird beserya bigeřê.ke nûstî beser lay çepa bixewe. zyatir le şew beser lay řasta mexewe, ta birsît nebê nan mexo, ke hêşta diłit eba dest bigrewe, ke têrit le şitê xward, şwên çawit mekewe ke pêt ełê eweşî her lê bixo, wate çawit diłî lew şite eçê. be şew ke wîstit binûy le pêşa biçore ser awdest îşt bew çûne hebê ya nebê. şitî germ mexo, mast û mastaw zor bekełke bo leş. destûr bo leş «ḧuqne», wekû aw waye bo dar.