tazexurmatû dêyeke le tenîşt kerkûkewe le

tazexurmatû dêyeke le tenîşt kerkûkewe, le zemanî ’usmanîyekana, le serdemî ẍeza ẍezakeda «yuz başî» yek eçête ewê be çend zeftyeyekewe xełkeke ko ekatewe. pêyan ełê: ewa ẍezaye û bo îslame. sułtan emrî fermuwe ebê hemû musłimanêk biçêt bo ẍeza. pêşî kafrekan bigîrêt û hemûyan ser bibiřn. eme bo berizbûnewey îslam gewretrîn şite û her keseş le řojî qyameta tołey çakey xoy wer’egrîtewe.

xełkeke hemû gwêyan lem qiseye bû, sê çwarê le řîşsipîyekanyan wityan: cenabî yuz başî derfetman biderê sibeynê wiłamit edeynewe. yuz başî witî: başe. le sibeynêda řîşsipî û demřastekan hemû tegbîryan kirde yek û çûnewe bo lay yuz başî û wityan: cenabî yuz başî! xot ezanî êsta wextî ḧasłat û kasbî û deẍił û dan hełgirtine. ême boman řênakewê biçîn bo ew wiłatî kafrane. beşî xomanman bo binêrin ême xoman lêre be aman û zaman seryan ebřîn û bo mitmaneş çend kesman ber ekewê bo ser biřîn, ewene kelleser enêrînewe bo cenabî sułtan.