we xîlafewen yaranî sermes
From the Book:
Dîwanî Mewlewî
By:
Mawlawi Tawagozi (1806-1882)
2 minutes
760 views
we xîlafewen yaranî sermes
teqazay zatîy teb’im herçî hes
cezbey ahînim demax dan perdax
mîqnatîz toy cam kerden we yatax
kareba ne dewr kam midero dewr
ne dewrey mûrey kareba ka tewr
er gêrû wekam kafûrim kemkem
aw qefałî wêş mepêko derdem
ئەەنفییەArabickey gerd řay derdim hewa
mekero demax eflatûn dewa
germîm tafî saf we ser enderda
besten we řûy taş nîme kemerda
azîz yeqîn ’ekis weş namekey ton
sayekey sîfet kelamekey ton
nazûn wey mezher, hay hay ye çêşen
neş’ey ew sîfet zatî to pêşen
ce namay cwaw, ce bêwefayîm
herçît fermawan řasen, bînayîm
er wefam mebî pey to memerdim
xeyr mebřyabê pencey pay ferdim
azîzim name pêç mido çun mar
xamey çem yekê, esrînan hezar
wêş dan ne ser kef kûpey syayî
pey şekway ’erzey derdî cyayî
wexwa ne dûrît kotayîş awerd
ne gyan îxtyar maway beden kerd
bełam yadeket nastenş wêm pêm
wêm berkerd, nîşten wêş ce yagey wêm
eczay ten yekser ce şadmanî
nimeyoş we xaw sed zîndeganî
her cizwêm pey wêş yend serşar bîyen
ey cizum cey cizu xeberdar nîyen
ne dił yadî řaz sefḧey nameşen
ne serpence hoş girtey xameşen
yend ne toy zelkaw dewatî piř wey
midran muntezir wełg awerden ney
ney mido seday diłan pê xeste
wełg maroşewe beste we beste
îse yadten sizay xîtaben
er siza we naz, wer we ’îtaben
ne ne, siftey hîcir xałî ałatim
dozexîy dozex durîy bałatim
buyer ce meneym şay new nemaman
merden pey giroy dozexî naman