kabrayekî şarezûrî be mîwanî řêy ekewê...

kabrayekî şarezûrî be mîwanî řêy ekewête suleymanî û şewê eçîte małî dostêkî. şewê ça û awêkî sardî zorî lê exwatewe, le katî nustina le jûrêka eyniwênin û derkey leser da’exen, kesî tirîş le jûrekeda nabê tenha minałêkî çwar pênc sałanî xanexwêke nebê. şewê kabra mîz zorî bo dênê, heł’estê biçête derewe, seyr eka derga le piştewe daxrawe, egeřêtewe, zor perêşan ebê, xoy řanagrê, fîkir ekatewe biçêt minałekey laba û mîzekey bikate naw cêgakey ewewe, ke beyanî hatin ełên eme minałeke xoy mîzî kirduwe û kabraş řizgarî ebê, le řastîda fîkirêkî baş bû.

kabra eçê mindałeke heł’egrê eyxate cêgakey xoy û piř naw cêgay minałeke eka le mîz û řizgarî ebê. emca dêtewe minałeke heł’egrê eybatewe bo naw cêgakey xoy û emîş dêt le şwên xoy řa’ekşê, ke řa’ekşê seyr eka lařanî ekewê le şitêkî şil û bonêkî pîsîş dêt. tumes eme minałî zîrek lew wexteda ke kabra hełî’egrê û eyhênête naw cêgakey xoy be ’adetî şewanî lay wa ebê ewe daykî hełîsanduwe birdûye bo ser awdest, cêgay kabra piř eka le pîsayî. seyrtir ewe bû ta beyanî mîzî kabra le naw cêgay minałekeda wişk buwewe.