wekû witra şarî suleymanî řabwardinî seyr...

wekû witra şarî suleymanî řabwardinî seyr seyrî têda buwe. xaneqay meḧwî be ḧewz û baxekeyewe, be şox û şengîy le mela es’ed bew lawe, bew tebî’etî řabwardin û diłteřye ke lew xaneqayeda buwe, serdemî řojêk le řojanî řabwardû dênêtewe bîr.

her şêx miḧemedî şêx celal gêřayewe witî:

le zemanî mela xalda le xaneqa, le lêwarî ḧewzekewe beř û şite řa’exrê û da’enîşin. lew berî ḧewzekeşewe semawer têxrawe û ça sazkirawe, êstikane ça exene ser sînî pałî pêwe enê beser awekeda dît bo em ber bo lay melakan. kitupiř lew kateda ke sînîyeke beser awekeyewe marêk lenaw ḧewzeke ser dênête derewe. şêx babe ’elî ełî: ay birya lem wexteda mişkêk hebuwaye bimanxistayete naw em ḧewze bimanzanyaye legeł em mareda çî eken?

mela zubeyrî bawkî mela sałḧîş lewê ebê -ke em mela zubeyre bapîrî em mela qadrî bangibêjî êstey xaneqay ḧacî mela ’elî buwe û minî lê bûbû be xidrî zînde- dest eba qutuwe cigerekey derdênê û ełê: desa qurban min hemû wextê mişkêkî îḧtyatim pêye. qutû ekatewe mişk firte eka û ekewête ser aweke. emca mar û mişk lew naw aweda eyken be şiłp û huř û sînî û îstikan û ça bew naweda biławey lê eken û ebê be seyr.