şêx babe’elî tekyeyî mela ’ezîzî muftî...

şêx babe’elî tekyeyî, mela ’ezîzî muftî suleymanî, şêx ḧîsamedînî ’ewałan, seyd eḧmedî xaneqa le kerkûk. emane hawřêy dewrî kon û feqêyetî bûn. carêk şêx ’îsamedîn le ’ewałanewe dêt bo suleymanî bo dîdenî şêx babe’elî û miftî. pêş çend řojêk biřyar eden biçin bo kerkûk bo dîdenî seyd eḧmed. eçin û ḧefteyek le lay seyd eḧmed emênnewe. seydîş řojbeřoj xizmetyan zyatir eka. emca ekewne ser ewey ke bigeřînewe, seyd ełê em nîweřweş nanî nîweřo pêkewe exoyn û paşan xwatan legeł, bem core řazî ebin.

seyd ełê bo ew nîweřoye nanêkî zor nayab dirust ken û ełê şorbayekî biřwêşîş lê binên û bełam pêş hemû xwardinêk şorbake bênin û îtir bwestin. nîweřo dêt û sifre ra’exen. qerewaney şorbay sawer leser sifreke řîz ekirê û îtir hîçî tir nayenin. şêx babe’elî û ewan her çaweřê eken hîçî tir dyar nîye. seydîş ełê ya şêx fermû nan bixon, şêx be naçarî dest bo nan û şorba dirêj eka û kewçkêkî lê ekate demî seyr eka bê xwêşe. ewa sey eḧmedîş lew berî sifrekewe danîştuwe.

babe’elî řû ekate miftî û ełê: «miftî be řastî seyd eḧmed ta êre başî hênabû, bełam lêreda gûy têkird». seyd gwêy lê ebî û hemû meclîs dest eken be pêkenîn, seyd ełê babe’elî mebestim em qiseye bû ke bîłêt. emca emir eka nanî tewaw dênin.