eḧey kiřnû le silêmanî kuřêkî hebû ...

eḧey kiřnû le silêmanî kuřêkî hebû nexoş kewtibû. ḧekîm biraymî gawir hebû çuwe lay ke kuřekey bo çak bikatewe û pênc mecîdî bidatê. ḧekîm biraym hate ser kuře û dermanî kird û kuře çak buwe, daway mizekey kird. eḧey kiřnû witî: nîme bitdemê. lem qise û lew qise le encama eḧe pêy wit: ḧekîm biraym emey pê nawê. nîme bitdemê, bełam řêgayekit bo da’enêm ke pênc mecîdîyeketit dest ekewê? witî çîye? witî: xwace şelemo heye le cûlekan, xoyşit eynasî, biço şikatî lê bike le lay qazî biłê pênc mecîdîm layetî. min û kuřekem bike be şahîd, dêyn û şayetît bo edeyn ewa bew core pareket dest ekewê!

ḧekîm biraym çarnaçar eçêt wekû eḧe pêy ełê şikat eka le xwace şelemo. eḧey kiřnû û kuřekey eka be şahîd! qazî. şelemo bang eka, agay le hîç nîye be ḧekîm biraym ełê: şayetit heye? ełê: bełê. eḧey kiřnû û kuřekey. şahîd bang ekirê û bemcore pênc mecîdî ekewête ser xwace şelemo û lêy estênin û eyden be ḧekîm biraym û dête derewe.

emca eḧey kiřnû serî řêy pê egrê û daway ḧeqî xoy û kuřekey lê eka. ḧekîm biraymîş ełê: mame eḧe ḧeqî şayetî çî? to ker be pyaw egêy û şayetmanîşî pê dênî. ełê: kafrî bê dîn! ey min ḧemałî şeytanim?!

xełk û xwa ekewne beyn ta be çwar mecîdî mame eḧe řazî eken qîr sipî ebê!