şêwan le şepolî ẍem pîşey cîgerdar nîye
From the Book:
Dîwanî Fanî
By:
Mulla Hussinn Fani (1883-1983)
1 minutes
417 views
şêwan le şepolî ẍem pîşey cîgerdar nîye
şukir awî tînetim boyê mewcdar nîye
bê merkebî îştyaq nagey becêgey meqsûd
salk her mandû debê le řê ger swar nîye
bolhewesî xudpesind diłî her lay řyaye
boye le sûřanewey çatir le pergar nîye
’arf wek ḧubabî aw çawî le nas poşîwe
bê bake le pencere ger xaney dił tar nîye
kesêk umêdî biřî nayewê le xoşîda bê
dar wekû biřayewe çawî le behar nîye
dił le coş û xiroşî bêbake le barî ẍem
şûşe wek twayewe tirsî le ẍubar nîye
kifnî cenazey xoşim le defterî xom dekem
me’na ẍeyrî qisey xoş bo xom yadgar nîye
her baxêkî meḧebbet lewê ger baxewan bî
ẍeyrî hêlaney sûtaw leser liqî dar nîye
destî qeder wekû mûm le baxî fereḧnakî
guł leber serî denê derbestî destar nîye
ger qisem kêşî nîye le sûkîy qisem nîye
małî zor beqîmet bê herayî kiřyar nîye