fełek we bextim
kilam misture dir fut mirḧum siltan xanim
From the Book:
Dîwanî Mestûre
By:
Mastoureh Ardalan (1804-1848)
8 minutes
2476 views
fełek we bextim ...
dîsan nerdî bed şanay we bextim
awerdî we soz zamanî sextim
gułgułî kerdî ce hûnaw řextim
ce tebeq sya bextanim zanay
dîsan mergî new penem nimanay
we kogay şadîm heres awerdî
meta’î ’eyşim we tarac berdî
nimek we zaman werînim paşay
zamî xesrewm ce new xeraşay
çeng wistî ne toy zamî kone û no
zamî walîdim awerdî we so
ce hûnawî dił kerdî ẍełtanim
nimanay penem mergî sułtanim
fełek, to çu min xatir ḧezîn bay
seringûn û xwar, xestey ẍemgîn bay
daym camî to memlû ce zehir bo
xudawend ce -Missing her we qehir bo
ye çe nerdê bî we tałem şanay?
ye çe derdê bî penem nimanay?
ye çe lahêz bî awerdî pêmda?
ye çe xarê bî kaştî ne řêmda?
ye çe daxê bî nimanay be min?
nexlî diłweşîm çon kendî ce bin?
ce çawan kor bam, bînayîm bo kem
mergî sułtanim çenî dî we çem
gerdûn, to karit mer her sitemen
wefa û şerit û beyn ce lay to kemen
we newciwanan -çerx cefakar-
menoşî sehbay ecel we naçar
ce text û ce bext mekerîş bê ber
’eyş û şadî -Missing nemazî taser
ne her ca şoxê şîrîn endamê
sinewber qamet zêba xeramê
feyroze xałan xuten syahê
leyl sîm endam ahû nîgahê
řend diłkeşê, şoxê, şehbazê
serapa bê ’eyb alûdey nazê
nîşte bo be şad ne textî şadî
mesrûr û meş’ûf xatir azadî
to be desî cewr -çerxî piř sitem-
bîsatî ’umirş mederî we hem
mesoçî diłey yaranş ce derd
siftey syaşan mederî we gerd
xusûsen şadîy diłey xestey min
mełhemî zaman petro bestey min
başî xanman erdełan mawa
hemşîrey diłbend şay xesrew’awaNamed-Entity
yadgar mendey walîyanî pêş
mesrûrî diłey bêgane û hem xwêş
gułbunî gułzar dewrey me’alî
xurşîdî sipîhir, walî bin walî
kanî fehim û ’eqił, şay çem syawan
walîzadey řend, nazarî bawan
fîday namş bam sułtanî afaq
ce hem qetaran be nêkî bê taq
sipîhrî bê şon dûnî şûm çare
ce text û dewłet kerdiş aware
we tałan berdî ’emir û demaẍiş
we bê naz hêştî qesir û utaẍiş
cem’ê ce daxiş kerdî xon ciger
tîfłî ’ezîziş wistî bê mader
kenîzan bê naz, ẍułaman zaren
’emele û etba’ ciger efgaren
diłey eḧbabiş memlû ce hûnen
yaran gişt zebûn zar û zebûnen
fêştir î ẍemgîn ce şadî dûre
î ẍemzedey zar xestey mehcûre
qesem be ḧeqfî ’îzetî ’ezîm
bew ’ehd û peyman suḧbetî qedîm
bew wefa û îqrar çenî min bestî
bey mergî bê wext bê --Missing xestî
bew pêşanî saf çun mahit qesem
bew cergî xestey tebahit qesem
bew destey zułfan ’enber bot qesem
bew sîney sîmîn dû lîmot qesem
bew durcî memlûy mirwarît qesem
bey zamî nasor dyarît qesem
be gyanî şîrîn ’ezîzit qesem
bew řêzey řazan lebřêzit qesem
be nakamîy kam xesrewm qesem
we deycûrî řoj çun şewm qesem
qesem be î’caz şahî merdanen
derdî tom sermeşq girdîn derdanen
nastit ser berûn min bey derdewe
zexmî xesrewt taze kerdewe
cew demda xeber mergit yawa pêm
kerdim bê gezaf qesdî gyanî wêm
yaney sebûrîm yekser xerawen
esrînî çawim maçî sêławen
boy kizey kewaw ne cergim meyo
dûdî syay neft ne bergim meyo
aram û qerar berşî ce destim
ce xakî ẍeman -begyanit- pestim
fêştir cew bone derûn zûxałim
kefit we řoy meḧşer çenît wîsałim
xom bam be sergerd nuxtey guftarit
mer be qyamet wînû dîdarit
îse cuz zarî destełat çêşen?
er dost û er yar, er qewm û xwêşen
xidêm her êden xom fîday gyanit
fîday ew lencey lawe dyanit
zûxaw ce zaman derûn mewerûn
bey core namit hêman mawerûn
maçûn: bînayî çawanim sułtan
zubdey nazaran bawanim sułtan
kam neyaway dehir ten xestem sułtan
ce derdî karî neřestem sułtan
meḧbûbî bê ’eyb guzîdem sułtan
xeyr ce ’umir û gyan nedîdem sułtan
xwaherî ba şerit guzîdem sułtan
mûnîsim hamřaz her şewm sułtan
xanmim, şahim, serwerim sułtan
’ezîzim, kesim, diłberim sułtan
’ezîzî diłbend birader sułtan
bê babo ẍemxiwar bê mader sułtan
gewherî deryay şewketim sułtan
mahî asman ḧîşmetim sułtan
şadî û zewqî dił sed parem sułtan
bê behre ce ’umir şûm çarem sułtan
fełek ne bextit keydê nimanan
mebo bwaçon be dastanan
kor bam perê ’umir natemamî to
şadîy duşminan şadkamî to
ce zwan lał bam pey newciwanît
fîday ew dîdey çun suleymanît
fîday ferzendan bê maderit bam
fîday dostan xûn cigerit bam
fîday ew řêzey mewday cergit bam
fîday xamoşîy badey mergit bam
fîday cwanîy natemamit bam
sułtanim, kesim, fîday namit bam
fîday ḧesretan we xak berdet bam
fîday zehrî nêş karî kerdet bam
fîday ew řazan çun řêzey qendit
fîday ’enberîn gêsûy kemendit
kesim, be sergerd yaney xałît bam
fîday şertî xas çenî walît bam
fîdat bam ’ezîz giramî neseb
«’îzet nîsa» gyan, we sułtan leqeb
xom bam be qurban leqeb û namit
piştanen we xak bałay nemamit
ḧeqa ḧeq kesim be xałî ałat
wefa řextêwen biřyan we bałat
pey çî qet’î ’umir ’ezîzit kerdî?
şertî wêt çenî xesrew serberdî?
nastit bê diłsoz new cay tengeda
new maway deycûr syasengeda
wêt kerd we mûnîs nałîn û ahiş
ce řagey necef bît we hemřahiş
cey sefer sext bît we qerînş
farîẍ bît ce derd weswasey wînş
emcar ce řazan kone û hem notan
bwaçan herdû ce lay babotan
şikwey nakamîş bwerdî we laş
pey cwanîtan diłş bo xeraş
bwaçan: ême berguzîdey toyn
herdû ferzendan pesendîdey toyn
herdû ’ezîzan ciger xestey toyn
herdû nazaran ciger bestey toyn
dîsan fîdat bim şehbazî xoş xo
minîç perê to her mewaçûn: řo
hawarim ce mekir gerdûnî bê şo
pey xesrewm dad, pey sułtanim řo
sed fisûs ce keyd çerxî bê bunyad
pey xesrewm řo, pey sułtanim dad
kafir çun êwe bibo namurad
pey xesrewm řo, pey sułtanim dad
efẍan ce ḧîley sipîhrî bedxo
pey xesrewm dad, pey sułtanim řo
sułtan nazar berguzîdem řo
şadîy xatirim nûrî dîdem řo
diłsozî diłbend hem diłberim řo
cay řaz û nyaz hem ẍemxorim řo
newbawey gułşen erdełanim řo
ten xestey nakam newciwanim řo
ne gêcawî merg ten ẍełtanim řo
hawnamî bextim hey sułtanim řo
fîdat bam qesem be berzîy bałat
bew şêwey şîrîn bew xałî ałat
ta baqîy ’umir her bwaçûn: řo
xałî nimebo dił ce ẍussey to
sułtan, sewgendim be danay dawer
ce dinya û ’uqba her ewen yawer
şerten ta gyanim ne ten baqî bo
wefay to meym, meylit saqî bo
ta wadey memat řoy řestaxîz bo
mebo mestûrePen name kemter kenîz bo
neşkino peyman ’ehdî werînit
zarîş bo perê dîdar û dînit
take newanan be nefxî sûrda
şerten her namit bawerûn demda
perê nakamît bêqerarîm bo
we cergî paret şîn û zarîm bo
namey mişk alûd kilk mişkînit
yadgaren pey yarî ẍemgînit
ew deste gêsûy mişkî tatarît
wêt bestî perêm pey yadgarît
mebo ta ew řo gyanim ne ten bo
mełhemî zaman xeste û şiken bo
aro dił maçûn: yařeb mergim bo
minîç wêney to letlet cergim bo
ya şa we çawim neşo xawî şew
bibûn we pabos be dewanî dew
werne min ce ko mergî to ce ko?
lewlawî hûnîn cergî to ce ko?
baqî xom sergerd newciwanît bam
’ezîzim, kesim, be qurbanît bam