pêwem ke xom befîday lebî ew nîgarekem
From the Book:
Dîwanî Edeb
By:
Abdulla Bey of Misbah Diwan (1859-1916)
1 minutes
1125 views
pêwem ke xom befîday lebî ew nîgarekem
canî ’ezîz hedîyey ew taze yarekem
şerit û qerarî min weye ta zîndegî bibê
badem le saẍerî lebî ew mey gusarekem
ya can bidem beřu’yetî; ya ser bexakpay
şerit bê ḧeyat serfî pêy ew yek-dû karekem
xunçey lebanî ’alem, eger ko webin le lam
ḧaşa beẍeyrî guł, beç lada nezzarekem?
kwa ew demey ke can û ser û małî xom hemû
sewda benazî ẍemzeyî ew nazdarekem
kwa ew demey ke surmey dû çawî eşkibar
bew gerdî ne’lî pareyî ew şehsiwarekem!
cana were, ke toy belebî şehd û qendewe
řojane xemřewên û beşew xemgusarekem
sayey sinewberî qedî to, bo me ’uşrete
çibkem le seyrî bax û çe lew sayedarekem
kułmet: guł û cemal: guł û tel’etit: behar
lew nêwe; seyrî kame gułî ew beharekem!
to, hem bîsatî ême, emin hem wîsałî to
řebbî beçî teşekkurî ew îftîxarekem
fermûte: kêye wa serî dana le xakî pam!
cana qibûłî ke: edebPen namee, can nisarekem