paşay babanî biłê
From the Book:
Dîwanî Esîrî
By:
Asiri (1895-1962)
2 minutes
843 views
çawekem bo lawî gel te’rîxî babanî biłê
saz û berbut lê mede, ay ay û goranî biłê
basî çîrokî wiłatî amrîka bo ekey
basî pêşûnan û gewrey kurdî soranî biłê
basî zor û debdebe û şahanî kildanî meke
debdebe û zorîy biłindî şahî êranî biłê
çend ḧukmidarit le betlîs û le botana buwe
ger bewe ’îlimit nîye paşayî babanî biłê
basî golî cenewe û baẍatî lubnanîş nekey
awî kurdistan û baẍ û qesrî bokanî biłê
hat û bedbînê witî te’rîxî pêşûy to nîye
cahîlî, ’îlimit nîye, sa ḧeçe ḧeywanî biłê
mekře sindûqê biřêsê mîsrî û turkî û ḧîcaz
lêde sindûqê beyat û lawik û ḧeyranî biłê
basî qend û şekkerî belçîk û parîs bo ekey
basî doşawî sipî û hencîrî şêxanî biłê
karî cermen herçenê çabê beto çî çawekem
şałî zaxo û pestekî bane û merîwanî biłê
basî ’ezmî leşkirî japon û turkî boç ekey
basî dêwane û xelîfey şêxî barzanî biłê
pêt dełên şêxî esîrîPen name dem le mîllîyet mede
pyawê xizmî xoy newê, bê kełke îmanî biłê