cilxiwarî û milxiwarî
From the Book:
Dîwanî Esîrî
By:
Asiri (1895-1962)
1 minutes
662 views
çend pêm wit kuře wazbêne lem cilxiwarîye?
axru encamî cilxiwarî weha milxiwarîye
ew nexoşey da’îma detgut zerîfe sîḧetî
řojî ewweł pêm gutî baweřke derdî karîye
dest û pêy xot bestewe ta bûy perêşan û řezîl
fa’îdet çî bû biłê tuxwa a lem înkarîye
doteket wa lêbřawe boye hênde mufrîte
kabraş deyewêt û nayden, boye wa hawarîye
derdî luqmey çewre ’alem gube û şêt û har eka
kes nîye bo dînî bê em qal û qîle û zarîye
ew kesey meylî dekey gwaye benawî dînewe
wa leser şepqe le beynî mîlletit kuştarîye
xotiş eyzanî ḧeqîqet waye emma pêwebûy
lat wehaye taze ’eybe terkî em bê’arîye
seyrî kurdî mîlletit ke çend cahîl mayewe
sen’et û kesbê ke heybê şwanîye û cutyarîye
ey esîrîPen name lêygeřê cil xware derdî xoy bese
em ẍem û derdey ke heşye, řastî serbarîye