tołe name
From the Book:
Dîwanî Esîrî
By:
Asiri (1895-1962)
2 minutes
784 views
řołe biřwane le kirdey dujminî ẍeddarî to
řojî danayî le tałan kirdin û kuştarî to
şêxî palo û nehrîye kujran besê pa bê xeta
xoy ewa bo kuştinî toş saz eda xwênxiwarî to
řengî nîştimanit bexwên kird bote qałî dujminit
sûtenîy turkane êsta êskî nazdarî to
derbeder bûn mał û mindałî şehîdanî gelit
çol û wêrane seraser êste dê wu şarî to
her debê mat û melûl û des be’ejno danîşî
her dewamî bê debê ahu girîn û zarî to
dest û pê hełke bicûłê êste çaxî tołeye
nabê aramit hebê, ger bo gelit ẍemxiwarî to
piř le çek amadebe tê hełke dey bistêne zû
tołeyî gewre û biçûk û řenicber û dîndarî to
taze kêt mawe le xizim û mał û mindał û kest
řoḧêkî mat û kizit mawe, lewîş bêzarî to
ahî serdî sîne wu soz û giřî cerg û diłit
her betołe la eçê derd û ẍem û azarî to
çaxî firset lêy geřan paşa peşîmanî çi sûd
boye ber bad û perêşan bû gelî dîndarî to
geh besungî, geh begulle, geh bebomba detkujin
sed dexałet key beřastî kuşteyî ser sêdarî to
çendî xot boyan bekuşt da, axrî sûdî neda
çunke kurdî her le çawyan bê nimûd û xwarî to
sed hezar mindał û kîjit derbeder bûn û neman
wa le des bêgane dotey xoşewîst û yarî to
nîştimanit çol û wêrane, gelit bû derbeder
dademezrê xêłî bêganet le cêy gułzarî to
ey esîrîPen name řojê wa dê gel beḧeqqî xoy ega
lew deme hêdî debê êşî diłî daẍdarî to