şadîy qelbî ḧezînim, nûrî çawanim etoy
From the Book:
Dîwanî Safî Hîranî
By:
Safi Hirani (1873-1942)
1 minutes
1709 views
şadîy qelbî ḧezînim, nûrî çawanim etoy
merhemî zam û birînim, derd û dermanim etoy
wa le tarîkî fîraqit, řêgekem win kirduwe
şem’î bezmî can û dił, mahî direxşanim etoy
ger be destî xotewe qetilim bikey memnûnî tom
sed ewende musteḧeqqim, qatłî canim etoy
wa leber bêhemdemî xom xiste goşey bêkesî
destî yarî bêkesan û diłẍerîbanim etoy
sicdegahî mehřuwane xakî berderganeket
padşahî diłberan û şahî xûbanim etoy
der beder, xwênîn cîger, awareyî yar û dyar
derdimend û xestedił, me’lûme luqmanim etoy
wa letaw zułmî fîraqit bê hewał û bê mekan
hatme ber dergay ’edałet, şah û sułtanim etoy
bextî bed neyhêşt le ’ehdî to be kamî dił bigem
canî min, saḧêb wefa wu ’ehd û peymanim etoy
safîyaPen name sa ’aşiq û dêwane wu ḧeyranî tom
řêy musulmanî çi lê bikem, nûrî îmanim etoy