cana le ẍemit wale wu ḧeyrane diłî min
From the Book:
Dîwanî Safî Hîranî
By:
Safi Hirani (1873-1942)
2 minutes
1574 views
cana le ẍemit wale wu ḧeyrane diłî min
sergeşte wekû weḧşî le kêwane diłî min
daym le der û deşt û byabane diłî min
muştaqî wîsałî řuxî canane diłî min
me’lûme syay perçeme wa bextî sya kird
zînnarî dû zulfe ke le dînî tewela kird
lomey meke ger řûyî le taqî kilîsa kird
bo řesmî wefa şêweyî sen’ane diłî min
asûde û farẍ nebû esła le ẍemî to
qet ḧerfî wefay carê nezanî le demî to
çunkî serî xoy nawete jêrî qedemî to
boye wekû zulfî to peřêşane diłî min
perwane sifet kewtuwe sûtawî çiraẍe
wek lale le ’eşqî to derûnî hemû daẍe
muddêke le hîcranî to bêmar û nesaẍe
boye hemû dem talbî luqmane diłî min
bo ẍaretî miłkî diłî ’uşaqe dyare
tabûrî ẍemî koye zyatir le hezare
teslîmî qeza lazme yaran nîye çare
çunkî leser em cem’e qumandane diłî min
dił kewte xeyałat leber ẍunçeyî lêwî
wek nuqteyî mewhûme eger bê nebzêwî
bew fikire le baẍî semen û sunbul û sêwî
wek bulbulî bêçare ẍezelxiwane diłî min
’ebdêkî wefadar û cefakêşe le hîcran
wa kewtuwe wek safîPen name le derganeyî geylan
bem derdî sere kuştinî lazim nîye qurban
lem cêjneyî qurbane ke qurbane diłî min