tiruske
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
1 minutes
803 views
ey tiruske:
berew ko dêyn bo řêy jîn
be çwar werze pel egêřîn bitbînin
dewr û piştiman peykułe
pel egrîn:
pêman řûte têşûy řêman sikłe
hena řawe:
sûr bûnewey ser singiman
dam û dawe, cêgey çîney nawçingiman
qułîy nizîk:
gerdinî dapoşrawman
meyle û ałe, tikey diłî guşrawman
zerdî dûkeł:
twêy serpoş quřawî
yexey winciř kiras şîtał biřawî
befir û xwêne:
befir û xwêne xorakî bestełekman
bo manewey řegêkî řeçełekman
bo manewe:
zerd û sûr qurbanî
pełke zêřîney sinûre goranî
hana giře:
giř çawge.... xirmane
danewêłey qed pałekan firmane
firman dare:
dar berî min û toye
ger negřîyn lutman leser ejnoye
kurnûş birdin:
yasay dewrî kewane
key dîlêtî encamî kurd zimane
key dîlêtî:
bo mîlletan řewaye?
le kwê zehir bo nexoşî dewaye?
ey tiruske:
řuwe û to dêyn bo şadî
încîl mane sûtandin ya azadî