legeł tome
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
1 minutes
859 views
legeł tome firîştey dûr le şarim
le hawîna şiney baxî beharim
çile û germa sehołî nawçewanim
le zistana giřî eşkewtekanim
were seyrane řêy dukane îmsał
berame û bon lewê pexşane îmsał
leber êsk û leber petroy ewane
ke aheng bo qełay sorane îmsał
tepey pêye û teqey pêławî ember
leser gořî sipî babane îmsał
pepû bi’ ci’ ye lêy qate kelawey
ewey xendan û mey hełdane îmsał
leber sûrî diłopî eşkî zêye
ke şayî wa le sûr qawşane îmsał
leber tîjî hetawî řûtî dukan
ke hawar bo qeła çwalane îmsał
leber bê awîye seyranî dûrim
ke nyazî ḧewzekey bokane îmsał
leber pişkoy kujrawey baxekey şêx
ke meydan wa le kanîskane îmsał
bezîwim min le astî pîre řêkewt
ke řêkewt zêřî jêr fincane îmsał
telaşî bê teła herwek tełaşe
ke ayet ayetî gîrfane îmsał
were pêşê kizî çaw û nexoşim
nizîkît dare hem goçane îmsał
tiruskey serferazî û çawî xemxor
weku awat û awî mane îmsał