demî behar
be boney hatnewey qaremanî kurd ceneřał mustefa barzanîyewe witrawe
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
3 minutes
1334 views
demî behar
beharî dyare û dyar
mest be yadî zêřî gizing
katî awring
her yek nimî
leser gya
her ḧewt řengeke enwênê
řêçkey çya
bergî bełek enexşênê
heng efřê
bo mijînî hełałey guł
řê ebřê
bo naw behar
beharî dyare û dyar
katê asman
legeł nizar
bebê wiçan
ekewne berawirdî řeng
nizar ełê:
behar sewze
minîş sewzim
to çîwîta bigewze
řengit şîne
weku wenewşe řengîne
asman ełê:
heta zuwe
serî xot hełgire û hełê
min nîgarbexşî siruştim
ewendey tosqałê boye
leher cêyeka řiştim
mayey sirinicdanî toye
ewe kanî,
řûbar û guł
bałinde betake û pol pol
duřřî temaşakirdinin
gêjî ew dîmene şînen
ewqî řoj beser birdinin
doş damawî ew bînînen
bo naw behar
beharî dyare dyar
kam behar?
kam cêgaye?
helbenî em giftugoye
ya kam şwêne
ke behar bem çeşne cwane
ya kam nwêneke basekem tya mîwane?
wiłam: wiłat kurdistane
bełam cêgake berzane
katê dayk çawî sawa
be giřî top epşikiwênê
desrazey aramî kurpe
bebay şîla eceřênî
diłî xistine cûł û xurpe
begermey bomba û narincok
ebziwêndê
esûtê
dar berî kałî ewerê
dûkeł berî asman egrê
mel eterê
guł, eger řengî sipî bê
ebê be şîn
be wêney şaxî demawen
çyay şîrîn
temumj tosqałî sûtan
enêrî bo gişt kurdistan
naçar dayk, bo bexêwkirdinî kuř
bo jyanî, bo beyanî
awatî derûnî biřî
ebê bigeřê bo jyan
bo hełsûřan
ebê bigeřê bo jyan
bo kurdistan
ebê bigeřê bo jyan
ebê korpe bexêw bika
ne şax bika ne şêw bika
çî lê bika?
eyê řołe babe dayen
ewaney bo sawa sayen
be kam dayen?
eyda be dayetî xebat
bo ewey bigate awat
kuř ekewête meydanî
pałewanî
legeł komełê însanî
nîştimanî
ebê be ceng
ebê be şeř
kuř her wekû şêrêkî neř
ełê kurdim
newey kawey qaremanim
min însanim
emewê wekû însanî
em dinyaye
wiłatî xom
çî têdaye
le xêr û bêrî samanî
zewî û kanî
bo bira û xoşkekanim bê
bo berey řencî şanim bê
bełam dujmin
her wekû segêkî newsin
ekewête êsk xwardin
ełê mirdin
ełê sûtan
aware bûn
ełê wiłat be cêhêştin
bo to û bo hawnîştimanit
bo to û bo xêzanekanit
bo naw beharbehar beharî dwanze mang
bo cêye însanekanî
kameranî, wekû birjang
çon perjîne bo gilêne
a lew şwêne
şadmanî
perjînî çiře bo însan
bo nîştiman
le piř dengê
le ney gelê xoştir bo gwê
le çira řûnaktir bo řê
le aram nerimtir bo cê
bebê biřanewe herdê, ełê:
’êraq cimhurye
azadye serbestye
dinyayekî piř aştîye
bełê, ewa çwardey temmuz
dujmin řima
nawî nema
ewa korpey aware bû
řûkere wiłatî bawik
bo mîlletan
kewtûne řê
bo kurdistan
ewa şîrîn
qendîl û hełgurdî
nexşîn
ewa şakel û şêrwane
têkřa wa zemawendyane
heł’epeřn
bełam hełpeřkêy şêxane