payîz
From the Book:
Dîwanî Miḧemed Saɫḧ Dîlan
By:
Muhammad-Salih Dilan (1927-1990)
2 minutes
2062 views
payîz bwerê gełay dirextit
zistan, ba bênê weyşûmey sextit
xezan, ba zerd bê deşt û çya û kêw
befir daypoşe hewraz û nişêw
řehêłe řayde pûşî pena çał
bay weşt, bîşkêne nemamî nawmał
dûkeł zerdîke jûr û qujbinan
daypoşe çarey ciger kun kunan!
pepû, řojte bixiwêne be germ
serma û sołeye le kes nekey şerim
bełam ba bîbey řazî dastanî
yete pêş çawit naw û nîşanî
ta payîz taray zerdî nepoşê
zistan weyşûmey sextî necoşê
wişk nebê pûşî deşt û çya û çoł
neygirê befir lûtke û şêw û doł
lafaw û baran neymałê zewî
bay deştîş neyba perjînî qewî
lirqe û çoqey dan negate asman
pepû nexwênê le popî daran
çon řojî behar eda giznigî?
..............
çon nêrgis çîn çîn, xaw amêzan
nazdaran pol pol gułałe řêzan!
eden be yekda dest le naw desta
legeł gułałey sûrî çaw mesta
çon yetewe quł ser çawey binar?
gyay naw aw wird wird exate kenar!
çon yete çiro dirextî baxan
yete birîqe nizarî şaxan