ledaykibûnî xoretaw jangirtinî berdewamî asman û xakî pêwîste

beyanî pêş le xorhełat
em çomêkî bê’arame û şepol edat
çî gizing dêne cêjwan û
nêw baweşî firawanî, lûlyan edat
tûře... tûře xoy be singî
şax û berdî ew kenaraneda edat
ke xor hełdê,
nazdarêkî bałaberze
diłdarêkî řasteqîney kanî û kew û řoj û cwanî
şeyda.... şeyda
destî germî xor eguşê û
aram.... aram, xoy edate ber baranî
newazişt û mêhrebanî
bo nîmeřo piř le şîle
bon û beramey ew nawey dagirtuwe
be çiłêkî zor berzewe hełwasrawe û
çaweřêye.
êwarane
derwêşêke ḧał lê hatû
be berçawî pîrêkî nêwçaw řûnewe sema ekat
legeł her cezbe û zîkirêka
baranî tîşk û řûnakî ebarênê û
şewîş dadêt
«şewnim»êke beser kułmey gułebaxîy şîrazewe
nazdar.... bonxoş
pełeyeke tûře û şeyda
şwênî merdan leser singî
çem û kenar, dar û řûbar
dyarî ekat....
goranîyekî tazeye û
beser lêwî tazyebarî arbebawe
bała ekat
toy newroze û şemał beser kurdistana epřijênê
sirûdêkî tazyebare û
kurdewarîy kost lê kewtû
gułî jakaw... taqe sware û nemamanî xestey destî
şextey zordar elawênê
henasey germ û aşnay pîrebabêkî diłsoze
diłî hemû xawen hestê exurpênê.