qełay řaz

besye îtir bize û kenîn... tîley nîga
sed ewende nazdarît û
řêkupêkî bejin û bała
diłim biba
herçende bêyt
herçen biřoyt
çen seyrim key
be wişey cwan diłim bibey
tenya dirzêk çikolaneş
nakeyte naw qełay řazî
be kilîlî kesêkî ke daxrawim
qed em řaze nadirkênim
pêt nałêm çend xoştim ewê
natwanim... na
herçen diłim
hêndey nemawe şeq biba
ey şořeswar
beyanî dêyt
be baweşê xoşewîstî û
daristanêkî nîgawe
dêytewe bo dozînewey
ew mele piř le ewîney
le jûrekema cêmawe
karîşt bew diłe şêtey
legeł sîgar û şemçeket
le gîrfanî koteketit xist
nedawe.
ey şořeswar
hemû carê be swarî espêkî sipî
dêyt û le qeraxî kanîy ’eşqim
řa’ewestî
espî taset beqed bałay beriztirîn
darekanî hełbestimewe
da’ebestî
leser kanî da’enîşî û
destit beser awêney řûmetya dênî
demî taset
enêyte nêw demî xurpey
tazetrîn řazî dirkawî hełbestî