zemawendî gewre

From the Book:
Gunah
By:
Ali Hasanyani (1939-1992)
 2 minutes  1177 views
Zemawendî Gewre
Voice of: عەلی حەسەنیانی
pepûle!
be dû bałe řengîn û nexşîneket,
legeł qaspeqaspî kewî mestî badey kuřade,
legeł şewşiney şewgeřî tozî řêga welader,
legeł pêkenînî gułî mendî têrawî dêrawî cwanî,
biřo, hełfiře, řû le adey beheştî ehûray mezin ke!
ke ehrîmenî tarîkayî le nûrî terîke...
temaşa ke darî teyarî beharî mesîḧa,
çilon bote çetrî pişûdanî řêbwarî tînû...
temaşa giřî agirî şwanî mandû ḧesawe,
çilon cergî şewgarî debřî berew jyanî herman...
temaşa le nêw nwênî nermî zemendî ewîna,
çilon bêçû askanî awatî gewrey lemêjîn,
bebê tirsî řawker xerîkî geme û hełbezînin...
pepûle!
pepûley benazî le dił cwan!
biřo gwê bide zimzemey awî lêjê,
ke lengêzeyek řeha buwe le bendî kewî û koyleyî...,
berew mêrg û zenwêrî herbûn beřêwe...
be dengî birîndarî dawwidîye bangewazî,
ke bo hełpeřînî zemawendî azadî dił han eda...
be dił bang eka: şermî řwanînî şillêr,
ewe ze’feranî pejare be fewtan eda...
pepûle!
gizîngî beyanî jyanêkî nwêye,
kewa tîşkî eřwa berew dûr... dûr...
ewa henderanî hemû kirde nûr...
pepûle!
wiłatim hemû mestî hestî jyane,
hemû çaweřwanî zemawendî gewren,
ewey bîrî lê nakirê têkşikane, nemane...
pepûle!
le katî zemawend û şayî - ke nîzîke lêman -
min û to legeł mamzî dûrezêdim,
eçîn seyrî gowendî awatî xoman ekeyn...
le dengidanewey dengî xawendî hîwa,
le berzayî kwêstanî azadî gwê heł’exeyn...