çaweket meste be naḧeq fêrî meyxaney meke
From the Book:
Dîwanî Edîb
By:
Edib (1874-1932)
1 minutes
1933 views
çaweket meste be naḧeq fêrî meyxaney meke
lêy geřê memnûnî bezmî durdî peymaney meke
zulfî sazawit desa tertîb û çînî têk mede
ḧeyfe tûşî cewrî řêş û kêşî lerzaney meke
perçemit cêy aşyaney bulbulî teb’î mine
çunke êşkiçî şewe, to men’î hêlaney meke
gerdinim pêy xoşe ḧełqey tay tenafî zulfeket
çawekem îtir ḧewałey toq û zołaney meke
dił be meylî xoy demêke ’aşiqî bałakete
toxuda ma’îl be ẍeyrî xot û bêganey meke
her le ewwel to diłit birdim be nazî çaweket
taze fêrî řah û řesim û teb’î perwaney meke
’aşiqî xunçey demit takey debê aware bê
meḧřemî řaze, ḧewałey çoł û wêraney meke
her be řesmî dîdenî basêkî nayênî demit
diłberî wa nabê ’eybe nanecîbaney meke
xot dezanî wek edîbPen name kes bendegî pê nakirê
wa be řîswayî le naw em xełke efsaney meke