er bopřûzê we mełałewe
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
3 minutes
832 views
er bopřûzê we mełałewe
beyo we lay to ce şemałewe
ane bopřûz siftey cergimen
me’lûm bo me’dûmPerson wadey mergimen
enîsî xeyał derdanî piř zam
merhem cestekey xestekey nakam
xeylên ne gêcaw beḧrî mehcûrî
ne dewrî dwey tenûrey dûrî
pûşekey cestem we pena keften
samî’em xeber yaran neşneften
înşelła, çenî xoşḧapî y, şadî
ne şaxey şoxî gerden azadî
çenî weşbextî dû des ne gerden
’umirtan we ’eyş ’uşret wiyerden
nek çun min ce des bê meylî diłber
mekêşû her sat hezar derdî ser
daym dił řencûr hîcranî yarim
zincîrî cefay ziłfî nîgarim
xisûs şerarey dûrîy zor kerden
mezre’ey hestîm way sebûn berden
kes be wêney min piř meynet nebo
giriftarî dos bê beynet nebo
hîç kes mubtelay dûrî yar nebo
çun min sergerdan, bê qerar nebo
kes nebo çun min yarî bed karan
zamdarî mujey dîde xumaran
ce hajey hûnaw derûnî piř derd
ne gerdişî çerx gerdûnî çepgerd
ta ce to biřyam, we mergit qesem
satê asayş nedyenim be çem
nekerî xeyał gileyî kerden
newaçî badey bê şertîş werden
er zelîlî dest bê şertan nebûn
key mebo meylit feramoş kerûn
ew tûłî qamet qyamet xêzen
wełgî şaxî şewq derdînan řêzen
tafî safî naz zor awirden lêş
xemen çûn qamet xembarekey wêş
dîdem mişkîn ziłf, cemîn zeřnîgar
dûrît şew û řo lêm kerden we jar
ey şew we sergerd cewan merdît bam
ya zûm temam ker, ya zû ber temam
îmşew esłen wîr beyanît nyen
wêney hîcrî min payanit nyen
meşneftim ke şew fîraq tûl daro
ne yekcar wey řeng ẍezeb lêt waro
ya fełek çarem sya perwerden
ya xeyr to kilîl subiḧit gum kerden
řo be řo maçûn be řořo û zarî
we řoy axrî axir nedarî?
sadey axir ber, ya axir bawer
axir gyan ce des dûrîy xelas ker
şew û řo ce dax zułf û dîmî to
dawa û basmen çenî şew û řo
çun şew şêwey ziłf muşkînit daro
řo kemê şu’a’ cemînit daro
we ser gerdit bam awat wastey wêm
cewanîç teskîn nimeyawo pêm
maceray axir yum almatimArabicen
newmêdî biřyay qeti’ ḧeyatemen
eḧmedPen name serapaş alûdey derden
ye axir wişkaw ser çeşmey ferden