azîz wiyerden
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
1 minutes
963 views
azîz wiyerden, azîz wiyerden
wadey ẍemnakîm ce ḧed wiyerden
weswese û xeyał karê pêm kerden
bêzarim ce gyan, řazîm we merden
zîndegîm mergen, jyanim tałen
kûrey derûnim, siftey zuxałen
qinyatim ahen, xorakim xemen
supay meynetan ce lay min cemen
er nebo be kufir, cîhan aferîn
bîlla bêzarim ce gyanî şîrîn
fam pêm nemenden wêney sersaman
ha wexten bigno namim ce naman
dił poşan camey syay qetranî
wexten pêm waçan sen’anî sanî
be gyanit qesem newnemamî no
bew ḧałe minim gawrî serko bo
dûrît pyałey zûxaw pêm werden
to weş, tedarek merdenîm kerden