yaran dêwane
From the Book:
Dîwanî Bêsaranî
By:
Mustafa Besarani (1643-1702)
1 minutes
670 views
yaran dêwane ...
min xo ahîrnak, wêl û dêwane
kerdenim be zêd, çoł û wêrane
sazanim çenî bayequş lane
ew be nałey wêş, min ce tawî derd
bêdarîş her şew ta we şeweq zerd
bełê min her dem, hersat ce nowe
ce dûdî ahim, ahîr mebowe
mitersûn naka bayequş bałş
sûçyo be ahim, peşêw bo ḧałş
waçdê bayequş, er famê hen pêş
ew ce hamsayey, giř be destiş çêş?
bişo wêş bido be away yane
min be ew çenî, çoł û wêrane