wehar nimana
From the Book:
Dîwanî Bêsaranî
By:
Mustafa Besarani (1643-1702)
1 minutes
663 views
wehar nimana ...
weharî řeng sewz, zeřgûn nimana
bułbułan neẍmey řizgarî wana
’aşiqan ce çem, hûnawan şana
warawe řêzey hûnaw we zemîn
polî nazdaran, celada cemîn
wefrawan horza, şetawan mała
wefir lansar berden we bała
seylat horêza, şetawan coşa
’ersey serzemîn, bergî sewz poşa
daran řengî sewz peyda kerdewe
řengî syay tar, cewê berdewe
sengerçey gułan, ce new peyda bî
’aşiqan bê hoş beter şeyda bî
eweł wenewşe ce xak horda ser
boy ’enber medo, çûn zułfî diłber
newroz guł kiryaş tasey serawan
beřeza nepay řêzey wefrawan
çinûr kone zêd leylaxan kerd meyl
toq toq cem besten, wêney zułfî leyl