newsîweyl bê derd
From the Book:
Dîwanî Bêsaranî
By:
Mustafa Besarani (1643-1702)
1 minutes
740 views
newsîweyl bê derd ...
ême derdedar, newsîweyl bê derd
bê derd, be wêney tofî heway serd
taracî dûkan çemenanş kerd
çend parçe xezan řeng řengî ała
řengî ałaşan neřûy xak mała
dîbay ferengî ce terzî xezan
kerden heway serd new payz herzan
ême barî xem, ten xestey zwîr
şyenman ceřeng xezanan ce wîr
er sed řengî xem, mepoşan xeyał
mexseł mał mekerd, xezananî ał
heway newpayz ce hał nezanî
xezan řêzan kerd, řezan xezanî
îse ême û derd, cefay řozgar
dest ne gerdenîm, ta fesłî wehar