qîblem nekêşo
From the Book:
Dîwanî Bêsaranî
By:
Mustafa Besarani (1643-1702)
1 minutes
952 views
qîblem nekêşo ...
serê ke sewday xałit nekêşo
xatrê be ẍem, to, neyendêşo
be zamî nawak, sub seḧer êşo
serê welay to ser nedo şewan
payê ke neyo welat we dewan
ew ser seringûn giłkoy taze bo
ew pa gestey mar bê îcaze bo
dîdey newîno her seḧer řengit
zwanê her şew nebo ham dengit
ew dîde esirş bê midara bo
ew zwan be seng syay sara bo
destyo nekero seyranî baxt
nekero xizmet berzî demaxt
ew deste bestey celadî gewr bo
her řo ce nowe sizaş bey tewr bo
qîblem dûrî to yekcar minş kuşt
bîlla bey tewr bo bêzarim ce gişt