şîrîn we tałî
From the Book:
Dîwanî Bêsaranî
By:
Mustafa Besarani (1643-1702)
1 minutes
697 views
şîrîn we tałî ...
xem, dił tebdîl da şîrîn we tałî
textî dił ce gişt şadî kerd xałî
kerd weser ’esker tałîyan, tałî
wela kerd we naz şamaranî mest
sin’anî asa sedbar zunnar best
qapî dîn şikest, mezheb da we bad
dinya kafir kerd şoxî bê bunyad
şî ne řay mezheb ’aryanî ber
perê ẍezay min xas besten kemer
ya şa bacetî řesûlî serwer
bawerîş be dîn xuda û pêẍember
ta şad bûn beşewq şołey meh cemîn
kes nebo kafir, berî bo ce dîn