seyrî nemaman
From the Book:
Dîwanî Bêsaranî
By:
Mustafa Besarani (1643-1702)
1 minutes
655 views
seyrî nemaman ...
aro şîm we seyr newtûł nemaman
dîm beden ’uryan ce ser ta daman
wełgî bałaşan řêzan we daman
bê zewq û zwîr wêney xem kêşan
zelîl û zebûn, zar û perêşan
persam nemaman xatir ce xem keyl
kûn weşîy dêrîn řiştey newsiweyl?
watşan penem er hey bê xeber
be kes nemenden weşî ta be ser
řeştebê siweył wełgî bałaman
herzan kerdebê ała û wałaman
naga badê serd, sitem ẍezebnak
wełgî bałaman řêzna ne xak
îse nemenden şadî û weşîman
şadî fesłê bî, dîman, nedîman
weşî çe weş bî, weşî hay weşî
weşî weş weş bî, weş cedes berşî