saqî mey darîm
From the Book:
Dîwanî Bêsaranî
By:
Mustafa Besarani (1643-1702)
1 minutes
811 views
saqî mey darîm ...
arezûy noşay camê mey darîm
her şew ta seḧer nałey ney darîm
pey noşay camê, řeng çûn bey darîm
meters ce taney ḧesûdanî bed
camê mey meker, ce ’aşiqan řed
seḧer suraḧî sucde we cam ber
cew pey ’arfan ce ’eqił û fam ber
mey aqîq asa, ne camî teła
pey awêney dił mibo be ceła
ewsa dewr midey, saqî cam we cem
ba ce zułifit da, zeřyo nebo kem
pey çêş ey meclîs şadîy nam daro?
her kes xemînen, xemş muyaro